हाँ वो ज़रा भी नहीं बदली !

Toh aaj unse mulakaat hui phir kuch 2 saalo baad ..
Per aisa laga ki abhi 2 din pehle hi to mil ke gaye the !!
.
Wo aaj bhi apni pasandeeda kaali kurti me aayi thi,
Jinki silwatto se ulajhne ki aadat aaj bhi wahi hai !!
.
Unka wo har baat pe haste haste maar dena,
Aur phir jaldi se sehlaane lag jaana , jara bhi nahi badla !! . .
.
Unke wo kandhe tak ke baal
Aaj kamar tak lehra rahe hai.
Per unki apne baalo ko sawaarne ka tareeka aaj bhi wahi hai !!
.
Unki dheere dheere khaane waali aadat
Aur aakhir me jatth se poora kha ke.
Kuch dabe alfaazo me cheekna "MAIN JEET GAYI" se aaj bhi hum dono hi paresaan hai !!
.
Unki har ek tasveer dikha kar
10 baar puchna ki " MAIN THEEK TOH LAG RAHI NA ??"
Aur mera jawaab me har baar kehna ki " KI YE THEEK SABD TUMHARE LIYE BANA HI NAHI HAI " kehke muskuraane ki aadat to aaj bhi chali aa rahi hai !!
.
Unka wo bebaak ladd jaana..
Aur phir baar baar manaate jaana
Bhi toh nahi badal paaya aaj tak !!
.
Wo unka har choti baat pe khulke muskuraane ki aadat
Aur badi badi baato pe chup reh ke seh jaana.
Mujhe aaj bhi toh pasand hai !!
.
Ha per in 2 saalo me
Kuch badla hai..
Toh wo ye ki .
Ab wo muskuraati toh hai..
Per aankhe jara namm ho jaati hai !!
.
Bachpana to aaj bhi karti hai..
Per jara samajhdaari se !!
.
Ab sabd toh kam bolti hai..
Per matlab kaafi bade nikal jaate hai !!
.
Ab befikar to rehti hai..
Per fikar sabki karti hai !!
.
HA , WO JARA BHI TOH NAHI BADLI !!😌❤